Bosh prokuratura huzuridagi Departamentning Buxoro viloyati boshqarmasi tomonidan Buxoro shahrida o‘tkazilgan tezkor tadbirda valyuta ayirboshlash bilan shug‘ullanib kelgan M.T. fuqaro Sh.R.dan 6 000 AQSH dollarini 75,7 mln so‘mga sotib olgan vaqtida ashyoviy dalillar bilan ushlangan.

Shu kabi, Departamentning Ulug‘nor tuman bo‘limi va IIB xodimlari hamkorligida o‘tkazilgan tezkor tadbirda fuqarolar O.N. va O.X. fuqaro M.T.ga 3 800 AQSH dollarini 46,6 mln so‘mga sotgan vaqtida ushlanib, tadbir davomida 4 200 AQSH dollari, 5 000 Rossiya rubli hamda 1,2 mln so‘m ashyoviy dalil sifatida olingan.

Departamentning Sirdaryo tumani bo‘limi tomonidan o‘tkazilgan tezkor tadbirda fuqarolar A.J. va A.A. fuqaro M.X.ga 5 000 AQSH dollarini 63,7 mln so‘mga sotgan vaqtida ashyoviy dalillar bilan ushlangan.

Departamentning Farg‘ona viloyati boshqarmasi tomonidan o‘tkazilgan tezkor tadbirda fuqaro R.E. fuqaro A.B.ga 4 000 AQSH dollarini 50,8 mln so‘mga sotgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.

• DXX
• Jinoyat
• Kurs_valyuta
• Valyuta