Xeops piramidasida uchta sirli eshik topildi. Bu haqda Misrning qadimiy ashyolar bo‘yicha sobiq vaziri Zaxi Xavas The sun gazetasiga bergan intervyusida aytib berdi.

Arxeologlar eshiklar ortida nima borligini aniqlashga umid qilishmoqda. Missiyaning boshlanishi 5-dekabrga belgilangan.

Eshiklardan biri piramidadagi ikkinchi xonaning janubiy eshigi yaqinida joylashgan. Uning ikkita mis tutqichi bor. Ikkinchi eshik undan 21 sm uzoqlikda joylashgan. Uchinchi eshik esa shimoliy tunnelda aniqlangan.

Arxeologlar birinchi eshikdan kichik teshik ochib, maxsus kamera orqali ikkinchi eshik mavjudligini bilishgan. Biroq ularning orqasida nima yashiringaniga hozircha oydinlik kiritilmagan.

Xavas arxeologlar jamoasi Xeops sirini ochib bera olishiga umid qilmoqda. Taxminlarga ko‘ra, shimoliy tunneldagi eshik ortida boshqa eshik ham bo‘lishi mumkin.

• Misr
• Piramida