dpa агентлигининг расмийларга таяниб маълум қилишича, Африканинг 23 давлатида вабо қайд этилган. Жорий йилнинг ўзидаёқ 205 000 та инфекция ҳолати қайд этилган, ўлим даражаси 2,1 фоизни ташкил этган.

“Ўтган йили бу кўрсаткич 1,9 фоизни ташкил этган”, – деди Africa CDC вакили Нгаши Нгонго брифингда. “Бироқ, бу ўртача кўрсаткичлар. Ноқулай маҳаллий шароитда ўлим даражаси анча юқори бўлиши мумкин”, — дея таъкидлайди dpa нашри.

Вабодан ўлимнинг асосий сабаби сувсизланишдир. Касаллик кўпинча камбағал одамларга ва тоза ичимлик сувига эга бўлмаган ижтимоий заиф қатлам вакилларига таъсир қилиши билдирилади.

Бирлашган Миллатлар Ташкилотининг Болалар жамғармаси (ЮНИСЕФ, Unicef) огоҳлантирганидек, Ғарбий ва Марказий Африка минтақасида ёмғирлар мавсуми бошланиши билан 80 мингдан ортиқ бола вабо хавфи остида қолган.

Бунинг сабаби шундаки, атрофдаги ҳамма нарсани сув босадиган ёмғирлар пайтида ҳожатхоналардаги чиқиндилар кўплаб африкаликлар сув оладиган қудуқлар ва дарёларга тушади.

• Afrika
• vabo