ФИФА Жанубий Америка футбол конфедерацияси (КОНМЕБОЛ) томонидан илгари сурилган янги форматни қўллаб-қувватлаш ниятида. Янги тизимга кўра, мусобақада 16 та гуруҳ бўлади ва ҳар бир гуруҳда 4 тадан жамоа иштирок этади. Ҳар бир гуруҳдан 2 та энг яхши жамоа плей-офф босқичига йўл олади.

2030-йилги Жаҳон чемпионатининг асосий мезбонлари сифатида Испания, Португалия ва Марокаш танланган. Илгари, мундиалнинг 100 йиллиги муносабати билан Жанубий Америкадаги уч давлат — Аргентина, Парагвай ва Уругвайда биттадан ўйин ўтказилиши режалаштирилган эди.

Янги таклифга мувофиқ, ушбу Жанубий Америка мамлакатларида фақат битта ўйин эмас, балки у ерда жойлашган гуруҳнинг барча баҳслари ўтказилиши кўзда тутилмоқда. Қолган гуруҳлар эса Испания, Португалия (Европа) ва Марокаш (Африка) ҳудудида ўтказилади.

• FIFA
• Janubiy Amerika
• Европа