Беларус президенти Александр Лукашенко хорижий давлатлар раҳбарларига, жумладан, Ўзбекистон Республикаси Президенти Шавкат Мирзиёевга Иккинчи жаҳон урушида қўлга киритилган ғалабанинг 77 йиллиги муносабати билан табрик йўллади.

Бу ҳақда Беларус президенти  матбуот хизмати хабар берди.

Маълум қилинишича, Лукашенко Озарбайжон, Арманистон, Қозоғистон, Қирғизистон, Молдова, Россия, Туркманистон, Тожикистон ва Грузия президентларига табрик йўллаган.
Александр Лукашенко, шунингдек, Украина халқини ҳам 9 май билан табриклаган.

Лукашенко украин халқига йўллаган табригида айни пайтда Украинадаги вазият беларус халқининг тинчлик қадрини ҳар қачонгидан ҳам кўпроқ ҳис қилишига туртки бўлганини таъкидлайди.

“Украина заминида содир бўлган фожиали воқеалар 20-асрнинг биринчи ярмида тўпланган даҳшатли тажриба ҳеч ким учун ҳеч нарсани англатмаслигидан далолат беради.
Совет халқи фашизм устидан қозонилган ғалабада бутун дунёни хавотирга солган ҳалокатли юкни ўз елкасига олиб жасорат кўрсатган эди. Бугун эса бу тарихий ҳақиқатни бузиб, ғалабадаги аждодларимизнинг ролини камсита олмайди”, – дейилади табрикда.

• 9 май
• Беларусь
• Лукашенко
• Мирзиёев