38°
Кечаси 21°
Ижтимоий тармоқларда машҳур клипмейкер Наримон Султонхўжаевнинг собиқ турмуш ўртоғи Малика Султонхўжаеванинг шикояти акс этган видео тарқалди.
Унда ижодкорнинг оиласига бефарқлиги ҳамда фарзандлари учун кам миқдорда алимент тўлаётгани айтилган.
“Биз анчадан бери бирга яшамаяпмиз. 10 йил деганда битта сабаб туфайли улардан кетдим. Ҳозирги пайтда мен уч болам билан кўчада қолдим. Онамларникида яшаяпман. Улар томонидан умуман моддий ёрдам бўлмаяпти. Шу ўринда президентимизга битта саволим бор: Нимага аёл киши уч фарзанди билан ҳам кўчада қолиши мумкин? Эркак киши ажрашаётганида рафиқаси ва болаларини уй билан таъминлаши керак, деган қонун йўқ. Фақат алимент ундириш кўзда тутилган. Собиқ турмуш ўртоғим фирмага қоровул сифатида ишга ўтгани тўғрисида маълумотнома тўғрилаб, ҳозирда уч болага 750 минг сўм алимент тўлаб келяпти. Собиқ турмуш ўртоғим Наримон Султонхўжаев бизни уйсиз қолдирди, бунинг устига кам алимент тўлаяпти”,- дейди Малика Султонхўжаева.
Ушбу видеога МИБ ахборот хизмати муносабат билдирди.
“Фуқаролик ишлари бўйича Мирзо Улуғбек туманлараро судининг 01.04.2022 йилдаги ижро варақасига асосан, қарздор Н.А.Султанходжаевдан ундирувчи М.Р.Султанходжаева фойдасига 1/2 қисм миқдорида алимент ундириш тўғрисидаги ижро ҳужжати бўлим иш юритувига 2023 йил 28 феврал куни келиб тушган ва ижро иши юритуви қўзғатилган.
Ижро ҳаракатлари давомида қарздор “Э.Б.” МЧЖда иш фаолиятини олиб бораётганлиги аниқланган.
Мазкур ижро ҳужжати бўйича қарздор томонидан 07.03.2023 йил куни ундирувчининг ҳисоб рақамига, 1,5 млн. сўм, 27.04.2023 йил куни 750 000 сўм алимент пуллари ўтказилган.
2023-йил 23-май куни қарздор юқорида кўрсатилган алимент пул маблағларини тўлаб боришлиги тўғрисида мажбуриятнома олинган ҳамда Ўзбекистон Республикаси МЖтКнинг 47-4-моддаси ва ЖКнинг 122-моддалари билан огоҳлантирилган.
“Э.Б.” МЧЖнинг 2023 йил 18 май кунги маълумотига кўра қарздорнинг меҳнат шартномаси бекор қилинганлигини маълум қилган.
Жорий йилнинг 23 май куни ундирувчининг ҳисоб рақамига жами 780 минг сўм алимент пуллари ҳамда 4 ва 10-июл кунлари ундирувчининг ҳисоб рақамига жами 2 млн. 180 минг сўм алимент пуллари ўтказилган.
Ҳозирги кунда қарздорнинг 2023 йил 1 июл ҳолатига алиментдан бўлган қарздорлиги мавжуд эмас”,- дейилади хабарда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
