Хитой—Қирғизистон—Ўзбекистон темирйўли қурилиши режадан аввалроқ якунланиши мумкин. Бу ҳақда “Ўзбекистон темир йўллари” акциядорлик жамияти бошқаруви раиси биринчи ўринбосари Ҳикматулла Раҳматов маълум қилди.

Унинг билдиришича, бу ташкилотнинг Ўзбекистондан ташқарида бўлган биринчи инвестицион лойиҳасидир. Ҳозирда қурилиш жараёни кутилганидан юқори суръатда кечмоқда.

Темир йўл қурилиши графикдан илгарилаб кетгани, олти йилда топширилиши режалаштирилган ушбу қурилма жараён кетишига қараганда, тўрт йилда битиши мумкинлиги айтилди.

“Бу биринчидан, Хитой билан Европа орасида, Хитой билан Марказий Осиё, Кавказ давлатлари орасида бўлган масофани мавжуд йўлимизга нисбатан 1000 километрдан кўпга қисқартиради”, – деган Раҳматов лойиҳа қандай натижа бериши ҳақида.

Эслатиб ўтамиз, ушбу лойиҳа бўйича уч давлат ўртасида ҳамкорлик тўғрисидаги битим 2022 йил сентябрь ойида Самарқандда имзоланганди.

• Ўзбекистон темир йўллари
• Қирғизистон
• Темир йўл
• Хитой