Қадимги Сиедра шаҳрида олиб борилган қазишмалар пайтида археологлар Гераклнинг 12 жасорати тасвирланган мозаикани топдилар. Маълумотларига кўра, унинг майдони тахминан 164 квадрат метрни ташкил этади.

Сиедра шаҳри замонавий Туркия ҳудудида, Аланиядан унчалик узоқ бўлмаган ерда жойлашган. Бу Памфилия ва Киликиянинг икки тарихий минтақаси чегарасида жойлашган порт шаҳар ҳисобланади.

Мутахассислар суратларни 2019 йилда топишган, аммо мўрт қопламага зарар бермаслик учун текшириш аста-секин давом эттирилган.

Олимлар мозаиканинг ўзига хос эканлигини таъкидладилар. Тасвирда одамларнинг танаси табиий ўлчамда яратилган, расмнинг узунлиги 21 метрдан ошади, кенглиги эса деярли 8 метрга етади.

Мозаикадаги тасвирлар яхши сақланган бўлиб, уларни ташқи муҳитнинг салбий таъсиридан ҳимоя қилиш учун тупроқ билан қоплаб қўйишган.

Маълумот учун, Геракл – юнон мифологиясининг энг машҳур қаҳрамонларидан бири. Унинг жасоратларини тавсифлаш қадимги маданиятда жуда муҳим ўрин тутган.

• Surat
• Тарих
• қизиқарли