1 ёшдаги боласини ураётгани ва кейинчалик унинг жасадини ерга кўмаётгани тасвирланган видеолавҳалардаги ўзбекистонлик аёл ва эркак Россияда ҳибсга олинди. Бу ҳақда Болалар Омбудсмани хабар берди.

Қайд этилишича, видеотасвирдаги маълумот асосида аёлнинг шахси идентификация қилинган. Шундан сўнг унинг Андижон вилояти Жалақудуқ туманида яшовчи, 1995 йилда туғилган А.Г. бўлиб, ҳозирги пайтда у (2016 йилдан бери) Россия Федерациясининг Новосибирск вилоятида турмуш ўртоғи Б.И. билан яшаб келгани аниқланган.

Ҳозирда мазкур ҳолат юзасидан Ўзбекистон Республикаси Бош прокуратураси тегишли сўровига асосан Бош консулхона ҳамда Новосибирск шаҳри ИИВ ходимлари билан ўзаро тезкор маълумотлар алмашиниши натижасида, 19 январь куни улар Бердянск шаҳрида қўлга олиниб, процессуал тартибда ҳибсга олинди.

Шунингдек, Россия Федерацияси Тергов Қўмитасининг Новосибирск шаҳри тергов бошқармаси томонидан А.Г. ва Б.И. га нисбатан РФ ЖК 117-моддаси (қийнаш) билан жиноят иши қўзғатилди ва ҳозирда тергов ҳаракатлари олиб борилмоқда.

• Жиноят
• Омбудсман
• Россия
• Tergov Qo'mitasi