Тошкент шаҳар транспорт бошқармаси хабарига кўра, 2025 йил 2–15 октябрь кунлари Сергели туманидаги Қумариқ кўчасида иссиқлик қувурларини янгилаш ишлари олиб борилади. Шу сабабли кўча вақтинча ёпилди. Автобус йўналишларида қуйидаги ўзгаришлар бўлади:

61-автобус: А.С. Банокатий – Г. Алиэв – Темирйўлчилар – Кичик ҳалқа йўли – Бобур кўчалари орқали ҳаракатланади.

106-автобус: Сарикўл – Кичик ҳалқа йўли – Бобур кўчалари орқали юради.

40-автобус: Бобур – Кичик ҳалқа йўли – Туркистон кўчаси – Тошкент вокзали – Темирйўлчилар – А.С. Банокатий орқали РЭТ заводигача.

66-автобус: Қумариқ – Бобур – Кичик ҳалқа йўли – Туркистон – Тошкент вокзали – Меҳржон – 8-Март – Эски Сарикўл – Янги Замон – Сарикўл – А.С. Банокатий орқали РЭТ заводигача.

52-автобус: Фақат Локомотив кўчаси ва Тошкент вокзали оралиғида қатнайди.

Йўловчиларга ушбу вақтинчалик ўзгаришларни инобатга олиб, сафарларини олдиндан режалаштириш тавсия этилади. Таъмирлаш ишлари сабаб тирбандликлар юзага келиши мумкин. Шунинг учун баъзи йўналишларга яна ўзгаришлар киритилиши эҳтимолдан холи эмас.

• Tirbandlik
• Тошкент
• Yo'llar