“5 октябрь куни бўлиб ўтган овоз бериш жараёни бевосита эмас, балки минтақавий сайлов коллегиялари орқали амалга оширилган. Бу тартибга кўра, янги парламентга жами 210 депутат киради, уларнинг 140 нафари минтақавий комиссиялар орқали сайланади, қолган 70 нафари эса муваққат президент Аҳмад аш-Шара томонидан тайинланади. Депутатларнинг ваколат муддати 30 ой этиб белгиланган, зарур бўлса, бу муддат узайтирилиши кўзда тутилган”, – дея хабар бермоқда Associated Press.

Маълум қилинишича, хавфсизлик чоралари сабабли жорий йил ёзда друзлар ва бадавийлар ўртасида тўқнашувлар содир бўлган жанубдаги Ас-Сувайда вилоятида, шимолий-шарқдаги Ал-Ҳасака вилоятида ва ҳануз Сурия демократик кучлари назоратидаги шимолдаги Ар-Раққа вилоятида сайловлар ўтказилмаган. Шу боис 32 депутатлик ўрни бўш қолади.

“Сайловда 1578 нафар номзод қатнашди, улардан атиги 14 фоизи аёллар. Номзодлардан собиқ Асад режимини қўллаб-қувватламаслик ва сепаратизм ғояларини илгари сурмаслик талаб қилинган”, – деб ёзади нашр.

• Ҳукумат
• Parlament
• Suriya
• saylov