19 февраль куни Тошкент шаҳрининг “Космонавтлар” метро бекати яқинида осмондан номаълум жисм тушаётгани кузатилган. Шунингдек, ушбу ҳодиса Наманган вилоятида ҳам кузатилган. Наманганда аҳоли кучли шовқин ва ер силкинишига ўхшаш ҳолатни ҳис қилгани айтилмоқда, пойтахтда эса жисмнинг ҳаракати видеога тушиб қолган.

Гувоҳларнинг сўзларига кўра, осмонда чақнаш ва қора тутун бир неча соат сақланган. Ҳодиса тахминан соат 12:30–13:00 оралиғида содир бўлган.

Ўзбекистон Фанлар академияси Астрономия институти маълум қилишича, ҳозирча бу жисм метеорит экани расман тасдиқланмаган. Вазият юзасидан дастлабки ўрганиш ишлари давом этмоқда.

• Astronomiya
• Fanlar akademiyasi
• Наманган
• Тошкент