Бугун, 13 февраль куни соат тахминан 14:00 ларда Тошкент вилояти Юқори Чирчиқ тумани ҳудудидан ўтган Д012 “Бектемир-Чорбоғ қ” автомобиль йўлининг 18-километрида 2002 йилда туғилган ҳайдовчи Lada русумли автомобилни бошқариб келаётган вақтида руль бошқарувини йўқотиб, йўл четида тўхтаб турган Damas автомобилига бориб урилиши натижасида йўл-транспорт ҳодисаси содир бўлган. Бу ҳақда Тошкент вилояти ЙҲХБ ахборот хизмати хабар берди.

“Натижада, транспорт воситасида бўлган йўловчи тан жароҳати олиб, туман марказий шифохонасига ётқизилган”, – дейилади хабарда.

Ҳозирда ҳолат юзасидан Юқори Чирчиқ тумани ИИБ ходимлари томонидан терговга қадар суриштирув ишлари олиб борилмоқда.

• Toshkent viloyati
• YTH