“Тоттенҳем” бош мураббийи Антонио Конте қишки трансфер бозорида раҳбариятдан “Барселона” футболчиси Ферран Торреснинг трансферини талаб қилмоқда. Fichajas нашри хабарига кўра, “шпорлар” 22 ёшли футболчи учун таклиф тайёрламоқда.

Манба хабарига кўра, Ферран Торресни 35 миллион еврога харид қилиши мумкин. Каталон клуби 50 миллион евролик таклиф тушсагина футболчини қўйиб юбориши мумкин бўлади. Аммо, футболчининг “кўк-анорранглилар” сафида хурсандлиги ҳамда клубнинг ҳам унинг сотишни режалаштирмаётганлиги ушбу трансфернинг амалга ошмаслигига олиб келиши мумкин.

Ферран ўтган йили “Барселона”га кўчиб ўтган эди. Шу вақт давомида у каталонияликлар сафида 45 та ўйин ўтказди, 12 та гол урди ҳамда 7 та ассист қайд этди.

• АПЛ
• Барселона
• Ла Лига
• Тоттенхем
• Трансферлар