Туркиянинг қадимий Сатала шаҳрини тадқиқ этган археологлар бу ерга Рим империяси даврида легионерлар дафн қилинганини аниқладилар. Легионерлар некрополи кўп қаватли бўлиб, унинг юқори қисмида Византия, пастки қисмида эса Рим аскарларининг қабри жойлашган.

Археологлар ҳудуддан кўплаб артефактлар, жумладан “Дипломат” деб номланган 2000 йиллик бронза бўлаги ҳам топишган. Уни легионерларга 25 йиллик хизматни тугатганларидан кейин тақдим этганлар. Ҳудуддан қурол-яроқлар, аслаҳалар, сопол буюмлар, театр ниқоблари ва Рим тангалари ҳам топилган.

Олимлар эндиликда некрополдан топилган одам суякларини синчиклаб ўрганишмоқчи. Уларнинг айтишларича, ДНК таҳлилларини ўтказиш ўлим сабабларини аниқлашга ёрдам беради.

Маълумот учун, Рим империяси даврида Анатолия унинг таркибида бўлган. Рим империясининг 15-легиони 600 йил давомида шу ерда жойлашган.

• Arxeolog
• Arxeologiya
• Тарих
• Туркия
• қизиқарли