Бугунги кунда варикоз энг кўп учрайдиган касалликлардан бири бўлиб, у ҳар учинчи аёл ва ўнинчи эркакда қайд қилинади. Статистикага кўра, бу касаллик кўпинча 30-40 ёшлик даврда учрайди.
Веналарнинг варикоз кенгайиши бу веналарнинг кенгайиб чўзилиши ва тугун-тугун бўлиб қоладиган касалликдир.
1. Уйда кундузлари дам олсангиз, оёқларингизни баланд кўтариб ётинг. Бу усулда ётиш 15 дақиқадан кам бўлмаслиги лозим.
2. Ич қотишига йўл қўйманг. Қабзият кичик чаноқда қон айланиши босимини оширади.
3. Вазнингизни назорат қилиб боринг. Қисқа муддат ичида семириш веналарни кенгайтиради.
4. Қон ҳаракатини сиқиб қўймайдиган ва пахтали матодан тикилган ич кийимларни кийинг.
5. Агар оёқларингизда кўкимтир томирлар пайдо бўлса, шифокорга мурожаат қилинг. Улар вена фаолияти бузилишидан далолат бериши мумкин.
6. Оғир юкларни кўтарманг, узоқ вақт туриб ёки ўтириб ишламанг.
7. Агар ҳомиладор бўлгунга қадар югуриш, сакраш, теннис, волейбол билан шуғулланган бўлсангиз, бу машғулотлардан вақтинчалик воз кечганингиз маъқул.
8. Баланд пошнали, сиқиб турадиган оёқ кийимларни имкони борича камроқ кийинг. Товонни яхши ушлаб турадиган, қулай оёқ кийимлар кийганингиз фойда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!