Хитойнинг I-Soon компанияси НАТО ва 10 дан ортиқ давлатдаги давлат идоралари ресурсларига ҳужум қилгани ҳақида шубҳалар пайдо бўлди.

АҚШнинг SentinelLabs киберхавфсизлик компанияси баёнотига кўра, унинг таҳлилчилари номаълум шахс томонидан GitHub очиқ дастурий таъминот ишлаб чиқиш платформасига юкланган ва I-Soon компаниясига тегишли бўлган махфий ҳужжатларни ўрганиб чиқди.

Таҳлил шуни кўрсатдики, «Хитой давлат идоралари билан ҳамкорликда фаолият юритувчи» I-Soon 10 дан ортиқ мамлакатлардаги давлат идоралари, шунингдек, турли институт ва университетлар, жумладан, НАТО ресурсларини нишонга олган.

Ушбу ҳисоботга кўра, кўриб чиқилаётган ҳужжатларнинг «ҳақиқийлигини» аниқ текшириш мумкин эмас. SantinelLabs таҳлилчиларининг таъкидлашича, «Оқиш ҳозирги кунга қадар эълон қилинган энг аниқ тафсилотларни акс эттиради ва Хитойнинг кибер жосуслик экотизимининг этук табиатини очиб беради».

• Киберспорт
• Хитой