Европа дипломатияси раҳбари Кая Калласнинг маълум қилишича, Европа Иттифоқи Россияга қарши 19-санкция пакетини ишлаб чиқишга тайёрланмоқда.

Калласнинг қайд этишича, Европа Иттифоқи Россия-Украина уруши тугамагунча ён бериш ниятида эмас.

“Босқичлар кетма-кетлиги муҳим аҳамиятга эга. Россия тўлиқ ва сўзсиз ўт очишни тўхтатишга рози бўлмагунча, биз ҳеч қандай ён беришни ҳам муҳокама қилмаслигимиз керак”, – деди у.

Кая Калласнинг қўшимча қилишича, Европа Иттифоқининг Россияга нисбатан сиёсатида мумкин бўлган ўзгариш учун, аввало, кучли мониторинг тизими ва “темир” хавфсизлик кафолатлари билан сўзсиз ўт очишни тўхтатишга эришиш керак.

Маълумот учун, июль ойида ЕИ Россия иқтисодиётининг нефть ва банк секторига қаратилган 18-санкция пакетини қабул қилган эди.

• Россия
• Санкция
• Евроиттифоқ