Qirg‘iziston Milliy xavfsizlik davlat qo‘mitasi bergan maʼlumotga ko‘ra, diniy ekstremistik va terroristik guruhlarni aniqlash va ularga chek qo‘yish doirasida olib borilgan tezkor tadbirlarning birida yashirin ekstremistik tarmoqni tashkil etgan O‘zbekiston fuqarosi – “Hizb ut-tahrir” diniy ekstremistik oqimining Qirg‘iziston janubidagi rahbari faoliyatiga chek qo‘yilgan.

Qo‘lga olingan Sh.I. ismli fuqaro “Hizb ut-tahrir” DEOning O‘zbekiston Respublikasidagi hududiy rahbari bo‘lgan. U Qirg‘izistonning janubiy viloyatlari va O‘zbekistonning chegaradosh viloyatlarida faoliyati taqiqlangan tashkilot tuzilmalarini tuzish va mustahkamlash bo‘yicha o‘zining hamfikrlari bilan yashirin faoliyat olib borgan.

Sudgacha bo‘lgan tergov harakatlari doirasida o‘tkazilgan tergov-tezkor tadbirlari davomida ushbu shaxs o‘n yildan ortiq vaqtdan beri O‘zbekistonda rasmiy qidiruvda bo‘lib, Qirg‘izistonda yashirinib yurgani aniqlangan.

Qirg‘iziston Milliy xavfsizlik davlat qo‘mitasi uni O‘zbekistonga ekstraditsiya qildi.

• Diniy ekstremizm
• Ekstraditsiya
• O‘zbekiston
• Qirg‘iziston