JSST dunyoda yil boshidan buyon vaboga chalinganlar soni yarim milliondan oshganligini ta’kidlamoqda. Jahon sog‘liqni saqlash tashkiloti Yer yuzida vabo kasalligi bilan bog‘liq epidemiologik vaziyat haqida yangi hisobotini e’lon qildi.

Tahlillar joriy yilning 1-yanvaridan 15-sentyabr sanasigacha bo‘lgan davrni qamrab olgan. Qayd etilishicha, o‘tgan 9 oydan ko‘proq vaqt ichida sayyoramiz bo‘yicha vabo tashxisi qo‘yilgan bemorlar soni 582 ming nafardan oshgan.

2021-yilda bu ko‘rsatkich 223 ming, 2022-yilda esa 472 ming nafarni tashkil qilganini hisobga olsak, bu yil o‘sish dinamikasi keskin yuqoriligi ma’lum bo‘ladi. 

Qolavesa, yanvar oyidan beri kasallikdan vafot etganlar soni 4 ming 543 nafarga yetgan. Vabo o‘choqlari aniqlangan mamlakatlar soni esa bu yil 29 taga ko‘payib, 35 tadan qariyb 50 taga yaqinlashgan.

Ekspertlar bashoratiga ko‘ra, kelgusida yillik kasallanishlar soni 1,3 milliondan 4 millionga yetishi mumkin. Bu esa 143 ming kishining o‘limiga sabab bo‘lishi taxmin qilinyapti.

Shundan kelib chiqib, JSST hukumatlarni sog‘liqni saqlash sohasi bo‘yicha nazoratni kuchaytirishga chaqirib, profilaktik chora-tadbirlarni amalga oshirishda yordamga tayyor ekanligini ma’lum qildi.

• JSST
• SSV
• vabo