Bahor va yoz lolalar uchun maxsus fasl, shuning uchun ular sovg‘a sifatida beriladi. Atirgullar abadiy klassik bo‘lgani uchun, xrizantema esa uzoq vaqt saqlangani uchun beriladi. Lolalar va xrizantemalar 1-2 hafta, atirgullar esa o‘rtacha 3-5 kun o‘z holatini saqlab turadi. Ammo lolalarning yoqimli xususiyati shundaki, ular kesilgan taqdirda ham bir muncha vaqt vaza ichida o‘sishi mumkin.

Xo‘sh gulning ranglari sovg‘a egasiga qanday ta’sir qilishi mumkin?

Qizil - hayotning, quyoshning, olovning rangi. Bu qarama-qarshi tuyg‘ularni uyg‘otadi - sevgi va nafrat, quvonch va g‘azab. E’tiborni juda tez o‘ziga tortadi. Bu rang odamni so‘zlashuvchan qiladi, his-tuyg‘ularini hayajonlantiradi va kuchaytiradi. Dangasa insonlarni faollashtiradi.

Moviy rang tinchlik va cheksizlik tuyg‘usi, shu sababli odamni tinchlantiradi. Stressda yurgan yaqiningiz uchun ayni muddao.

Sariq rang ogohlantiruvchi ta’sirga ega. Hamda intellekt salohiyatiga ijobiy ta’sir ko‘rsatadi. Agar sovg‘a tanlayotgan insoningiz sizdan xafa bo‘lsa, bu rangdan albatta foydalaning. Chunki sariq har doim biror narsadan norozi bo‘lgan odamlarning kayfiyatini yaxshilaydi.

Yashil – buyuklik, jiddiylik, mulohazakorlik. Agar gul tanlayotgan insoningiz yoshi katta va sizning cheksiz hurmatingizda bo‘lsa bu ayni tanlanishi kerak bo‘lgan rang.

Olov rang. Depressiyadan aziyat chekayotgan yoki haddan tashqari pessimizmga moyil bo‘lgan odamga foydali ta’sir ko‘rsatadi.

Binafsha rang har doim ma’naviy ozuqa beradi. U ong ostiga ta’sir qiladi va odamga o‘zini bilishga yordam beradi.

• 8-mart
• Ayollar