Muntazam kuzatuvlar tarixidagi eng past dengiz muzligi Antarktidada qayd etilgan. Arktika va Antarktika tadqiqot instituti xabariga ko‘ra, olimlar oxirgi marta bunday raqamlarni 44 yil avval ko‘rishgan.

Joriy yilning fevral oyida Antarktika dengiz muzining maydoni taxminan 1,8 million kvadrat kilometrni tashkil etdi. Bu 1979-yildan beri Antarktidadagi muzlik holatini muntazam kuzatish davridagi eng past ko‘rsatkichdir. Qayd etilishicha, o‘tgan yilning fevral oyida Antarktika dengiz muzining maydoni 1,92 million kvadrat kilometrni tashkil qilgan.

Bundan tashqari, issiq mavsumda so‘nggi yetti yil ichida butun Janubiy okeanning minimal muz qoplami kuzatildi. Antarktida yozida taxminan 18 million kvadrat kilometr dengiz muzi erib ketgan.

Buning bir qancha sabablari bor, deydi olimlar. Ulardan asosiysi Antarktika aylana qutb oqimidir. Bu janubiy okeanni o‘rab turgan G‘arbiy shamollarning oqimi sifatida ham tanilgan. Iqlim o‘zgarishi bilan g‘arbiy shamollarning hukmronligi aylanma oqimlarni oshiradi. Bu suzuvchi muzga iliq suvning kirib kelishiga olib keladi.

• Antarktida
• Lifestyle
• qiziqarli