31°
Kechasi 18°
2026-yil avgust oyida O‘zbekistonga 85,6 mln dollar qiymatidagi 21 ming tonna mol go‘shti import qilindi. Bu haqda Bojxona qo‘mitasi ma’lumotlari ma’lum qildi.
Import hajmi iyul oyiga nisbatan 3 ming tonnaga yoki 23,4 foizga oshgan. Avgustdagi ko‘rsatkich yil boshidan buyon bir oyda qayd etilgan eng yuqori import hajmi bo‘ldi.
Yanvar oyida O‘zbekistonga 11,6 ming tonna, fevralda 14,3 ming tonna, martda 12,7 ming tonna mol go‘shti import qilingan. Aprelda bu ko‘rsatkich 11,2 ming tonna, mayda 9,3 ming tonna, iyunda esa 12,9 ming tonnani tashkil etgan.
Umuman, 2026-yilning yanvar–avgust oylarida mamlakatga 519 mln dollar qiymatidagi 111,1 ming tonna mol go‘shti olib kirilgan. Bu 2025-yilning mos davriga nisbatan 21 ming tonnaga ko‘p.
Ayni paytda O‘zbekistonda go‘shtga bo‘lgan yillik talab 2,1 mln tonnadan ortiqni tashkil etadi. Ichki ishlab chiqarish hajmi esa 1,6 mln tonna atrofida.
Shu sababli hukumat chorvachilik sohasini rivojlantirish uchun 463 mln dollar yo‘naltirishni rejalashtirgan. Shuningdek, 2026-yil yakunigacha xorijdan 100 ming bosh qoramol olib kelish vazifasi belgilangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
