Qayd etilishicha, fransuz brendi Parijda bo‘lib o‘tgan 2024-yil kuz-qish ko‘rgazmasida noodatiy aksessuarni taqdim etgan. Balenciaga yozuvi bo‘lgan yopishqoq skotchdan tayyorlangan mahsulot jamoatchilikning turli xil munosabatiga sabab bo‘ldi.

Ma’lumotlarga qaraganda, bilaguzukning narxi 3 ming dollarni tashkil qiladi. Biroq mahsulot hozirda Balenciaga’ning rasmiy veb-saytida sotuvga qo‘yilmagan.

Kuzatuvchilar “Balenciaga yozuvini ko‘rmagunimcha bu hazil deb o‘yladim”, “6 yoshimda, otamga uyning devorlarini bo‘yashga yordam berganimda, Balenciaga bilaguzugini yasagan ekanman”, “Balensiaga har yili g‘alati narsalarni chiqaradi”, kabi izohlar qoldirgan.

Ma’lumot uchun, Balenciaga 1919-yilda ispan dizayneri Kristobal Balensiaga tomonidan San-Sebastyanda tashkil etilgan va hozirda Parijda joylashgan moda uyi. U 1968-yilda yopilib, 1986-yilda yangi mulk ostida qayta ochilgan. Balenciaga hozirda Fransiyadagi Kering modalar guruhiga tegishli.

• Brend