Dortmundning “Borussiya” klubi hujumchisi Yusuf Mukoko jamoa bilan shartnoma uzaytirishdan bosh tortdi. Bild xabariga ko‘ra, “Arilar” rahbariyati yosh iste’dodli futbolchiga yangi – hozirgidan 3 baravar, ya’ni, 6 million yevrolik maosh taklif qildi. Ammo, futbolchi shu zahoti rad etgan.

Mukoko Dortmund jamoasidan yiliga kamida 7 millionlik shartnoma kutayotgan edi. Agar klub futbolchi istaganidek bitim taklif qilmasa, Yusuf yozda erkin agentga aylanib, jamoani tekinga tark etishi mumkin.

Mukokoga hozirga Londonning “Chelsi” hamda Kataloniyaning “Barselona” klubi jiddiy qiziqish bildirmoqda. Uning transfermarkt portalidagi bahosi – 30 million yevro.

• Borussiya
• Bundesliga
• Germaniya
• Transferlar