Buxoro viloyatida 13 yoshli qiz ona bo‘lgani haqida xabarlar tarqaldi.

Avval tarqalgan mish-mishlarda 12 yoshli qiz o‘gay otasi tomonidan zo‘rlangani aytilgandi. Bolalar ombudsmani kun.uz’ga ma’lum qilishicha, qiz ayni paytda 13 yoshda bo‘lib, homiladorlik holati homila 6 oylik bo‘lgan vaqtda aniqlangan.

“Holat bo‘yicha Jinoyat kodeksining 118-moddasi 4-qismi (14 yoshga to‘lmagan shaxsning nomusiga tegish) bilan jinoyat ishi qo‘zg‘atilgan. Gumonlanuvchi shaxs o‘gay ota emas, balki oilaga tanish shaxs bo‘lgan. Ushbu shaxs qamoqqa olingan va ayni paytda tergov harakatlari olib borilmoqda.

Bola manfaatida, aybdorga qonundagi eng qat’iy jazo qo‘llanilishini kuzatib boramiz”, – deyiladi ombudsman axborotida.

Amaldagi qonunchilikka ko‘ra, 14 yoshga to‘lmagan shaxsning nomusiga tegish – 15 yildan 20 yilgacha ozodlikdan mahrum qilish bilan jazolanadi.

• Buxoro
• Jinoyat
• zo‘ravonlik