7-oktyabr kuni Oliy Majlis Qonunchilik palatasi fuqarolarning shaxsiy hayot daxlsizligini himoya qilishga qaratilgan qonun loyihasini ikkinchi va uchinchi o‘qishda ma’qulladi. Hujjatga ko‘ra, endilikda shaxsning suratga olinishi va tasviridan foydalanish faqat uning roziligi bilan amalga oshirilishi kerak bo‘ladi.

16 yoshga to‘lmagan bolalarni tasvirga olish uchun esa ota-ona yoki vasiyning roziligi talab etiladi. Qonunda, shuningdek, ayrim istisno holatlar, videokuzatuv qoidalari hamda shaxsiy daxlsizlikni ta’minlash talablari aniq belgilangan.

Jamoat joylariga kamera o‘rnatilganda ogohlantiruvchi belgi bo‘lishi shart, hojatxonalar va kiyim almashtirish xonalarida esa kuzatuv taqiqlanadi. Hujjat hali qabul qilinmagan – u ko‘rib chiqish uchun Senatga yuborildi.

• Oliy Majlis
• Rasm
• taqiq