31°
Kechasi 18°
Qatardagi Jahon chempionatida ofsayd holatini aniqlash qiyin kechmaydi.
FIFA 2022-yilgi Jahon chempionati uchun yarim avtomatik VAR tizimini e'lon qildi
Xalqaro futbol federatsiyasi (FIFA) o‘zining rasmiy saytida 2022-yilgi Jahon chempionatida ofsaydlarni aniqlash uchun yarim avtomatik VAR tizimidan foydalanishini ma’lum qildi.
Yarim avtomatik VAR tizimi hakamlarga ofsaydlarni tezda aniqlashda yordam beradi. Tizim avtomatik ravishda to‘pning joylashishini aniqlaydi va o‘yinchilarning pozitsiyasining uch o‘lchovli modellarini yaratadi.
“Yangi texnologiyada to‘pni kuzatish uchun stadion tomi ostiga o‘rnatilgan 12 ta maxsus kameradan foydalaniladi. Shuningdek, u har bir futbolchining tanasining 29 nuqtasini hisobga oladi, ularning maydondagi aniq holatini soniyasiga 50 marta kuzatib boradi. Ushbu 29 nuqtaga ofsaydlarni aniqlash uchun tegishli bo‘lgan tananing barcha qismlari va oyoq-qo‘llari kiradi.
Video FIFAning YouTube kanalida chop etildi.
Avvalroq FIFA prezidenti Janni Infantino bu tizim klublar o‘rtasidagi Jahon chempionatida sinovdan o‘tgani va u o‘zini juda yaxshi ko‘rsatganini aytgan edi. Infantino FIFAdagi barcha ushbu yangi texnologiyadan qoniqish hosil qilganini ta’kidladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
