SpaceX va Tesla asoschisi Ilon Maskning o‘g‘li Xaver Aleksandr Mask jinsini o‘zgartirish va familiyasidan voz kechish uchun sudga murojaat qildi. Bu haqda “Daily Mail” xabar bermoqda.

“Men endi u bilan yashamayman va biologik otam bilan hech qanday aloqada bo‘lishni xohlamayman”, deydi 18 yoshli Xaver Mask. Yigit hujjatlarni Kaliforniyaning Santa-Monika shahri sudiga topshirgan. U o‘z ismini Vivian Jenna Vilson deb o‘zgartirishga qaror qilgan.

Mask hozircha bu vaziyatga izoh bermadi. Shuningdek, u sudga hujjatlarni topshirishdan oldin o‘g‘lining rejalari haqida bilgani yoki yo‘qligi noma’lum.

Ma’lumot uchun, Ilon Mask talabalik davrida birinchi rafiqasi Jastin Uilson bilan tanishgan. Ular 2000-yilda turmush qurishdi va 2 yildan so‘ng ular o‘g‘il farzand ko‘rdilar. Biroq, chaqaloq  o‘n kundan keyin to‘satdan vafot etgan. Keyin Maskning rafiqasi egizaklar – Xaver va Griffin, uch egizak – Damian, Kay va Saksonlarni dunyoga keltirdi.

Ma’lumotlarga ko‘ra, milliarderning jami 7 nafar farzandi bor.

• AQSh
• Hayot tarzi
• Ilon_Mask
• Jahon
• Sud