Turkiyaning Konya shahrida bo‘layotgan Islom birdamligi o‘yinlarida dzyudo bahslarida O‘zbekiston delegatsiyasi sovrinli o‘rinlarga ega chiqdi.

Sharofiddin Boltaboyev sovrindorlar qatorida

Dzyudochilarimizning ikkinchi kun dasturi hisobidan delegatsiyamizga medallar taqdim qilishni boshlashdi. -81 kg vazn toifasida bronza medali uchun bahs olib borgan Sharofiddin Boltaboyev ozarbayjonlik azaliy raqiblaridan biri Zelim Tkayevni magʻlubiyatga uchratdi.

Shohista Nazarova navbatdagi bronza medalini taqdim qildi

Dzyudo bahslarida yana bir bronza. -70 kg vazn toifasida bahs olib borgan qizimiz Shohista Nazarova ham musobaqadan medal bilan qaytadigan boʻldi. Hamyurtimiz bronza medali uchun kechgan bahsda eronlik Maryam Barbatdan ustun keldi.

Davlat Bobonov delegatsiyamizga bronza medalini taqdim qildi

Tokio-2020 Olimpiadasi sovrindori Davlat Bobonov Islom birdamligi oʻyinlarida ham delegatsiyamiz hisobiga bronza medalini keltirdi. -90 kg vazn toifasida bahs olib borgan yurtdoshimiz uchinchi oʻrin uchun bahsda livanlik raqibidan ustun keldi.

Gulnoza Matniyazova katta qiyinchiliksiz oltin medalni qoʻlga kiritdi

Mahoratli dzyudochimiz Gulnoza Matniyazova Islom birdamligi oʻyinlarida delegatsiyamiz uchun navbatdagi oltin medalni taqdim etdi. -70 kg vazn toifasining final bellashuvida hamyurtimiz tunislik Nihel Landolsiga qarshi kurashib, chiroyli gʻalabani tantana qildi.

Muzaffarbek Toʻraboyev Olimpiada finalchisini magʻlub etib, oltin medalga sazovor boʻldi

Yosh dzyudochimiz Muzaffarbek Toʻraboyev Islom birdamligi oʻyinlarining chempioniga aylandi. -100 kg vazn toifasida bahs olib borgan Toʻraboyev finalda 68 soniya ichida Rio-2016 finalchisi ozarbayjonlik Elmar Gasimovni magʻlubiyatga uchratdi.

• Davlat Bobonov
• Dzyudo
• Konya-2021
• O‘zbekiston