Microsoft korporatsiyasi Kiyevga yordam bermoqda. Bu haqda TASS agentligiga bergan intervyusida tashqi ishlar vaziri o‘rinbosari Mixail Galuzin aytib o‘tdi.

“Microsoft nafaqat Rossiyaga qarshi ritorika, balki davlatimiz zarariga aniq qadamlar qoʻygan kompaniyalardan biri, - dedi u.

Siyosatchining ta’kidlashicha, urush boshlangandanoq bu korporatsiya Kiyev rejimini kibermudofaasini kuchaytirish bahonasida turli ko'mak ko'rsatmoqda, bundan tashqari, u muntazam ravishda Rossiyani Ukraina resurslariga kompyuter hujumlarini uyushtirishda ayblab keladi.

Shu bilan birga, Galuzinning so'zlariga ko'ra, "hech qanday dalil taqdim etilmagan va Rossiyaning muhim infratuzilmasiga qarshi tizimli kibersabotaj faktlari Microsoft'da atayin yashirilgan".

“Bularning barchasi yana bir bor Bill Geytsning kompaniyasi o‘z faoliyatini Amerika Qo‘shma Shtatlarining siyosiy ko‘rsatmalariga muvofiq qurayotganidan dalolat beradi”, deya xulosa qilgan diplomat.

Ma’lumot uchun, Ukrainada urush boshlanganidan so‘ng, Microsoft o‘z mahsulot va xizmatlarini Rossiyada sotishni to‘xtatishga qaror qilgan.

• Microsoft
• Ukraina