Prezident Shavkat Mirziyoyev faollarning bildirgan fikrlari asosida Navoiy viloyati hokimi lavozimiga hokim vazifasini bajarib kelayotgan Normat Tursunov To‘lqunovich nomzodini tavsiya etgani haqida xabar bergan edik.

Nomzod viloyatda tadbirkorlik va xizmatlar sohasini rivojlantirish bo‘yicha rejalarini ma’lum qildi.

Qayd etilishicha, tadbirkorlikni rivojlantirish orqali kelgusi yilda 122 mingta ish o‘rni yaratish imkoni bor.

Shulardan kelib chiqib, Prezident mutasaddilarga:

– kelgusi yilda 26 ta mahalliy sanoat markazi va kichik sanoat zonalarini tashkil etish;

– oilaviy tadbirkorlik dasturlari uchun qo‘shimcha 100 milliard so‘m, kelgusi yilda 600 milliard so‘m yo‘naltirish;

– Nurota, Xatirchi va Navbahordagi bo‘sh binolarda mono-markaz tashkil etib, kamida 5 ming yoshlarni zamonaviy kasblarga o‘qitish;

– M-37 magistral yo‘lida 3,5 mingta servis ob’yektlarini ishga tushirish;

– Karmanadagi Mavlono Orif Deg-Garoniy majmuasini ta’mirlashga 15 milliard so‘m ajratish;

– 20 ta turizm mahallasida infratuzilmani yaxshilash bo‘yicha 50 milliard so‘mlik loyihani 2023-yil davlat dasturiga kiritish;

– yil yakunigacha har bir tarmoq bo‘yicha 25 tadan mahalliylashtirish loyiha paketini shakllantirish;

– kelgusi yildan 200 nafar tadbirkor bilan kooperasiya asosida mahsulot ishlab chiqarishni boshlash;

– bir oy muddatda 188 ta yaylovlarda joylashgan noruda konlarni auksionga chiqarish;

– yil yakunigacha 8 ta Yoshlar sanoat zonasi infratuzilmasiga 20 milliard so‘m ajratish;

– Navoiy erkin iqtisodiy zonasida kelgusi yilda 200 million dollar qo‘shimcha investitsiya jalb qilib, 20 mingta ish o‘rni yaratish bo‘yicha topshiriqlar berildi.

• Hokimlik
• Ish staji
• Navoiy
• Prezident