“Netflix” YouTube kanalida yozuvchi Jonatan Stroudning “Lokvud jamoasi” romaniga asoslangan va shu nomdagi ilmiy-fantastik serialning dastlabki treyleri taqdim etildi.

Syujetga ko‘ra, Londondagi eng iqtidorli o‘smirlar har kecha butun shaharni egallab olgan dahshatli arvohlar bilan jang qilishadi. Katta inspektorlar ishlaydigan yirik agentliklar orasida bitta mustaqil muassasa mavjud: “Lokvud jamoasi”. Uni uchta o‘smir – Entoni Lokvud, Jorj Karim va Lyusi Karlayl boshqaradi. Ular birgalikda tarix yo‘nalishini o‘zgartiradigan sirni ochadilar. Serialdagi dahshatli arvohlar, detektiv hikoya va jasur o‘smirlar – barchasi zamon ruhida.

Loyihaning asoschisi va bosh rejissyori Jo Kornish bo‘lib, u “Tintinning sarguzashtlari: Yagona shoxchalar siri” filmi orqali mashhurlikka erishgan. Xabarlarga ko‘ra, Serial 27-yanvar kuni efirga uzatilishi rejalashtirilgan.

2020-yil 19-may kuni Edgar Rayt va Nayra Parkning yangi prodyuserlik kompaniyasi “Complete Fiction Netflix” hamda Jonatan Stroudning “Lokvud jamoasi” ilmiy-fantastik romanlar seriyasiga asoslangan sakkiz epizodli serialni suratga olish ustida ishlayotgani e’lon qilindi. Britaniyalik Jo Kornish serial rejissyori, ijrochi prodyuseri, shuningdek, ssenariy muallifi va bosh rejissyor etib tayinlandi.

Ilk bor 2022-yil 26-oktyabrda ijtimoiy tarmoqlarda serialdan parcha e’lon qilindi, uning so‘nggida loyiha premyerasi (2023-yil 27-yanvar) ko‘rsatilgan edi.

Serialda bosh rollarni Rubi Stokes, Kemeron Chapman va Ali Hoji-Xeshmati ijro etgan. 2022-yil mart oyida loyihaning aktyorlar tarkibi tasdiqlangan edi.

Suratga olish ishlari 2021-yil 5-iyul kuni London shahrida boshlangan. 2021-yil oktyabr oyi oxirida esa jarayon “Kensal Grin” qabristoniga ko‘chgan. 2022-yil 15-martda Jo Kornish suratga olish ishlari yakunlangani va post-prodyuserlik boshlanganini e’lon qildi.

• Buyuk Britaniya
• Kino
• Netflix
• Serial