Amerikalik basketbolchilar LeBron va Bronni Jeyms bir vaqtning o‘zida bitta jamoada o‘ynagan tarixdagi  ota- o‘g‘il bo‘ldi. Ular “Los-Anjeles Leykers” klubi tarkibida Milliy Basketbol Assotsiatsiya (NBA) o‘yinida parketga tushdi.

Jeymslar parketda ikki yarim daqiqa vaqtni birga o‘tkazishdi. Bronni o‘yin vaqtida to‘pni savatga aniq tashlay olmadi va uzatmani ham amalga oshira olmadi. Bu 20 yoshli basketbolchi uchun dunyoning eng kuchli ligasidagi birinchi o‘yin bo‘ldi. Biroq, LeBron Ligada 22-mavsumini o‘tkazmoqda va bu noyob yutuq.

39 yoshli LeBron Jeyms tarixdagi eng yaxshi basketbolchilardan biri sifatida tan olingan, dunyodagi eng ko‘p maosh oladigan sportchilardan biri. U to‘rt karra NBA chempioni, to‘rt karra NBA finalining eng yaxshi o‘yinchisi, to‘rt karra NBA eng foydali o‘yinchisi. 13 marta NBA yulduzlarining birinchi jamoasiga kiritilgan.

“Biz shunchaki o‘z ishimizni bajardik. Bronni ham, men ham bundan shou qilishga urinmadik, bir-birimizga o‘ynamadik. Biz bir jamoa bo‘lib o‘ynadik va menimcha, hammasi muvaffaqiyatli bo‘ldi”, dedi “Los-Anjeles Leykers” hujumchisi LeBron Jeyms. “Parketga chiqishdan oldin men biroz xavotirda edim va bu ajablanarli emas, siz har doim birinchi o‘yinidan oldin asabiylashasiz. Ammo keyin tinchlandim va parketda o‘tkazgan vaqtimdan mamnun bo‘ldim”, dedi Bronni Jeyms.

• Basketbol
• Lifestyle
• NBA