Qashqadaryo viloyati Qarshi shahrida ayol 5 qizdan so‘ng 4 egizak qizaloqni dunyoga keltirdi. Bu haqda SSV xabar berdi.

Ma’lum qilinishicha, Kitob tumanida yashovchi Jasur Maqayev va Dilfuza Bahriddinova oilasida 5 nafar qizdan so‘ng to‘rt egizak qizaloq dunyoga kelgan.

Egizaklar Respublika ixtisoslashtirilgan ona va bola salomatligi ilmiy-amaliy tibbiyot markazining Qashqadaryo filiali shifokorlari tomonidan muddatidan oldin kesarcha kesish amaliyoti orqali tug‘ilgan.

Birinchi chaqaloqning vazni 1 400 gramm, bo‘yi 37 santimetr, ikkinchisiniki 1 450 gramm va 38 santimetr, uchinchisiniki 1 600 gramm va 40 santimetr, to‘rtinchisiniki esa 1 400 gramm va 37 santimetrni tashkil etadi.

Ayni paytda chaqaloqlar filialda xalqaro tibbiy protokollar asosida parvarishlanmoqda.

• Qashqadaryo
• egizaklar
• tug'ilish