Bo‘yi 234 santimetrlik basketbolchi Robert Bobroski, ana shu bo‘yiga uncha mos bo‘lmagan yengil vazni, yaʼni juda ozg‘inligi natijasida o‘ziga xos tashqi ko‘rinishga ega. Videolarda u xuddi kompyuter grafikasida chizilgandek tasavvur paydo bo‘lishi mumkin.

Bobroski qandaydir kasallikka chalingan emas, aksincha sog‘lom va bolaligidan to hozirgacha o‘quv muassasalari basketbol jamoalarida o‘ynab kelgan. Robert Ruminiyada asli vengriyaliklar oilasida tug‘ilgan. Bunday novchaligi ota taraf genlariga bog‘liq. Otasining bo‘yi 217 sm onasi 188 sm. Ikkisi ham sportchi bo‘lishgan. Robert 15 yoshida 220 sm edi, 18 ga kirganda 231 sm, bugungi kunda 23 yoshga kelib yana 3 sm o‘sdi.

• Basketbol