18°
Kechasi 7°
Joriy yilning 3-dekabrida Rossiyaning Ryazan viloyati, Ryazan tumanida joylashgan Dedyuxino qishlog‘ida fojea yuz bergan, to‘rt va yetti yashar ikki aka-uka qishloqdagi hovuzda cho‘kib ketishgan. Bu haqda Rossiya federatsiyasining Tergov qo‘mitasi, tergov boshqarmasi mahalliy bo‘linmasi matbuot xizmati xabar bermoqda.
Ma’lum bo‘lishicha, bolalar qishloqda joylashgan xususiy hovuzdagi muz ustida o‘ynamoqchi bo‘lishgan, yupqa muz yorilib, ikkisi ham cho‘kib ketgan.
Ularning otasi "Komsomolskaya pravda" nashriga bolalarni O‘zbekistonga olib ketishini aytgan.
"Qanday sodir bo‘lganini bilmayman, hali ham shokdaman... Bolalarim ruxsatsiz ko‘chaga chiqmasdi. Multfilm tomosha qilishar, uy atrofida o‘ynashardi. Birini bog‘chadan, boshqasini maktabdan olib kelgandim. O‘zbekistonda, vatanda ko‘mamiz. Qaytamizmi, yo‘qmi, bilmayman" – deydi bolalarning otasi.
