Joriy yil 3-sentyabr kuni Qirgʻizistonning Issiqkoʻl shahri mezbonlik qilayotgan 64 katakli shashka boʻyicha imkoniyati cheklangan sportchilar oʻrtasida jahon chempionatiga start berildi.

Mazkur turnirda 13 nafar sportchimiz yurtimiz sharafini himoya qilishmoqda. Dastlab rapid yoʻnalishida gʻolib va sovrindorlar aniqlandi. Quvonarlisi, ushbu yoʻnalishda vakillarimiz bir qancha medallarga ega chiqishdi.

23 yoshgacha boʻlgan oʻgʻil bolalar oʻrtasida Fayzulla Mardiyev, shu yoshdagi qizlar oʻrtasida Odina Shovdirova hamda erkaklar oʻrtasida Bahodir Ubaydullayevlar chempionga aylanishdi.

Shuningdek, 23 yoshgacha boʻlgan oʻgʻil bolalar oʻrtasida Abbosjon Ravshanov, 23 yoshgacha boʻlgan qizlar oʻrtasida Mahbuba Halilova, ayollar oʻrtasida Charos Balikovalar kumush hamda 23 yoshgacha boʻlgan qizlar oʻrtasida Sadoqat Tulibayeva bronza medaliga ega chiqishdi.

Musobaqalar 15-sentyabrgacha davom etadi.

• O‘zbekiston
• Shashka