O‘zbekiston Respublikasi Prezidentining yordamchisi Saida Mirziyoyeva AQSh Xalqaro moliyaviy taraqqiyot korporatsiyasi (DFC) bosh ijrochi direktori Ben Blek bilan uchrashuv o‘tkazdi.

Muloqot davomida transport va sog‘liqni saqlash sohalarida amalga oshirilishi boshlangan yirik qo‘shma loyihalarni muhokama qildik. Shuningdek, O‘zbekiston DFC bilan amaliy hamkorlikni bundan keyin ham izchil kengaytirib borishga tayyor ekani ta’kidlandi.

Uchrashuvda ikki tomonlama hamkorlik masalalari muhokama qilinib, o‘zaro manfaatli yo‘nalishlar yuzasidan fikr almashildi.

Mazkur muloqot AQSHning yetakchi moliya institutlari bilan uzoq muddatli aloqalarni yanada kengaytirish va yurtimiz iqtisodiyotiga to‘g‘ridan to‘g‘ri xorijiy sarmoyalarni faol jalb etishga qaratilgan muhim amaliy qadam bo‘ldi.