Ijtimoiy tarmoqda Surxondaryo viloyatining Sho‘rchi tumanida Damas avtomashinasi bir nechta odamlarni urib yuborgani aks etgan video tarqaldi. Holat yuzasidan viloyat IIB YHXB rasmiy munosabat bildirdi.

Xabarda aytilishicha, hodisa 22-sentyabr kuni soat 14:00 larda Sho‘rchi tumani “Navro‘z” mahallasi hududidan o‘tuvchi yo‘lda yuz bergan. 1998-yilda tug‘ilgan haydovchi Damas avtomashinasida harakat vaqtida rul boshqaruv qurilmasida nosozlik yuzaga kelib, qarama-qarshi bo‘lakka chiqib ketib, yo‘lning tartibga solinmagan piyodalar o‘tish joyidan kesib o‘tayotgan 3 nafar piyodani turtib yuborgan. Natijada piyodalar olgan tan jarohatlari sababli tuman tibbiyot birlashmasiga yetkazilgan.

Hozirda holat yuzasidan Sho‘rchi tumani IIB tomonidan yo‘l-transport hodisasi oqibatida olgan tan jarohatining og‘irlik darajasini hamda transport vositasining texnik holatini aniqlash maqsadida sudga oid tibbiy va texnik ekspertiza tayinlanib, tergovga qadar surishtiruv harakatlari olib borilmoqda.

• Avtohalokat
• Surxondaryo
• YHXB