Xitoy mamlakatga kelganlar, shuningdek, COVID-19 bilan kasallangan bemorlar bilan yaqin aloqada bo‘lganlar uchun karantinda bo‘lish vaqtini qisqartirdi, deb xabar bermoqda The Global Times.

Rasmiylarga ko‘ra, mamlakatga kelgan odamlar endi 7 kun karantinda bo‘lib, keyin uch kun davomida o‘z sog‘lig‘ini uyda kuzatishi kerak. Ilgari, bu holatda, maxsus mehmonxonada 21 kunlik muddatga karantin belgilangandi.

Ta’kidlanishicha, Xitoy Milliy sog‘liqni saqlash komissiyasi, ayniqsa, og‘ir kasallikka chalinish xavfi yuqori bo‘lgan 60 yoshdan oshgan odamlar orasida emlash ko‘rsatkichlarini oshirishni ustuvor vazifa qilib qo‘ydi.

Ma’lumot uchun, pandemiya davrida Xitoyda jami 225,5 mingdan ortiq COVID-19 holati va infeksiyalanganlar orasida 5,2 mingdan ortiq o‘lim holati tasdiqlangan.

• Xitoy
• karantin
• koronavirus
• pandemiya