South China Morning Post nashrining xabariga ko‘ra, xitoylik ayol o‘g‘lini yo‘qotgan. Marhum o‘g‘li politsiyachi bo‘lgan. Ayolning kognitiv nuqsoni bor. Boshqa bir politsiyachi yigit 10 yildan buyon bu ayolni ona deydi va har doim bayramlar bilan tabriklab, uning oilasini ziyorat qilib turadi.

Shansi provinsiyasida yashovchi Sya Chjanghay va uning rafiqasi Lyan Syaotsinning o‘g‘li 2003-yilda vafot etgan. Ushbu fojiadan so‘ng ayol falajlanib, xotirasi bilan bog‘liq muammolar yuzaga kelgan. Turmush o‘rtog‘i uni ranjitmaslik uchun o‘g‘lining tirikligini, boshqa shaharda ishlayotganini aytgan. Kunlarning birida Sya Chjanghay teleko‘rsatuvda Szyan Szinvey ismli Shanhay politsiyasi xodimini ko‘rib qoldi. 2013-yil oxirida u politsiyachi bilan realiti-shou orqali bog‘lanib, uchrashishni so‘radi, erkak rozi bo‘ldi. Shunda politsiyachi birinchi marta Lyan Syaotsinga o‘zini uning o‘g‘li deb tanishtirdi, ayol unga ishondi. 2016-yilda politsiyachi juftlikni Shanhayga taklif etdi, 2018-yilda esa o‘zi ularnikiga Yangi yilni nishonlash uchun keldi. Politsiyachi ular bilan tez-tez video qo‘ng‘iroq orqali gaplashib turadi. Bir kuni suhbat paytida ayol “o‘g‘li”ning sochiga oq oralayotganini payqab, shunday dedi: “O‘g‘lim, sen qarib boryapsan”.

• Politsiya
• Xitoy