Bugun, 12-mart kuni Madridning “Real” hamda “Atletiko” klublari Yevropa Chempionlar Ligasi doirasida nimchorak finalning javob bahsida maydonga tushadi.

Jamoalarning “Santyago Bernabeu”dagi dastlabki o‘yinda “Real Madrid” 2:1 hisobida g‘alaba qozongan edi. O‘shanda “qaymoqranglilar”ning gollariga Rodrigo va Brahim Dias mualliflik qilgan bo‘lsa, “Atletiko” safida Xulian Alvares bitta javob to‘pini kiritgan.

Javob uchrashuvi oldidan “Qirollik klubi”ning asosiy o‘yinchisi Kylian Mbappening to‘pig‘idan olgan jarohati tufayli maydonga tushishi so‘roq ostida. Bundan tashqari, Anchelotti shogirdlari ichidan Modrich, Endrik, Ryudiger, Chuameni va  Kamavinga sariq kartochkalari ko‘payib ketganligi sababli diskvalifikatsiya xavfi ostida bo‘lib turibdi.

“Atletiko Madrid”da esa hozircha asosiy tarkib o‘yinchilari ichida jiddiy yo‘qotishlar yo‘q.

Ma’lumot uchun, jamoalar jami 237 ta bahsda maydonga tushgan. Shundan 121 ta uchrashuvda “Real” g‘alaba qozongan bo‘lsa, 59 o‘yinda “Atletiko”ning qo‘li baland kelgan va yana 57 to‘qnashuvda murosa ko‘chasi tanlangan. Umumiy to‘plar nisbati 409–307 “Real Madrid” foydasiga.

Eslatib o‘tamiz, ushbu bahs 13-martga o‘tar kechasi Toshkent vaqti bilan soat 01:00 da “Metropolitano” stadionida start oladi.

• Atletiko Madrid
• Futbol
• Real
• YeChL