Kecha, 16-mart oqshomida Yevropa Ligasining 1/8 final bosqichining javob uchrashuvlari boʻlib oʻtdi.

Jumladan, “Manchester Yunayted” safarda “Betis”ga qarshi bahs olib bordi. Ikkinchi boʻlim boshida Markus Reshford tomonidan kiritilgan toʻp oʻyinda yagonaligini saqlab qoldi.

“Betis” – “Manchester Yunayted” 0:1

Gol: 0:1 – 55ʼ Reshford.

Dastlabki bahs – 1:4, umumiy natija –5:1

Oʻz navbatida, “Yuventus” “Frayburg” ustidan ishonchli, 2:0 hisobidagi gʻalabani qoʻlga kiritdi. Uchrashuvda gollarga Dushan Vlahovich va Federiko Kyeza mualliflik qilishdi.

“Frayburg” (Germaniya) – “Yuventus” (Italiya) 0:2

Gollar: 0:1 – 45ʼ, penalti Vlahovich, 0:2 – 90+5ʼ Kyeza.

Dastlabki bahs – 0:1, umumiy natija 3:0

Ispan klubi “Sevilya” safarda “Fenerbahche”ga yutqazgan boʻlsa-da, dastlabki oʻyindagi gʻalaba evaziga chorak final yoʻllanmasini qoʻlga kiritdi.

“Fenerbahche” (Turkiya) – “Sevilya” (Ispaniya) 1:0

Gol: 1:0 – 41ʼ, penalti Valensiya.

Dastlabki bahs – 0:2, umumiy natija 1:2

Shuningdek, “Arsenal” oʻz maydonida “Sporting” bilan bahs yuritib, penaltilar seriyasida imkoniyatni boy berdi. Uchrashuvdagi 1:1 hisobi asosiy vaqtning qolgan daqiqalari va qoʻshimcha boʻlimlarda oʻzgarmadi. Futbol lotoreyasida esa portugal klubining qoʻli baland keldi.

“Arsenal” (Angliya) – “Sporting” (Portugaliya) 1:1

Gollar: 1:0 – 19ʼ Jaka, 1:1 – 62ʼ Pedru Gonsalvesh.

Dastlabki bahs – 2:2, umumiy natija 3:3, Penalti – 3:5

“Roma” esa “Real Sosyedad” maydonida mehmon boʻldi. Darvozalar ishgʻol etilmadi, biroq Rim klubi dastlabki oʻyindagi gʻalaba evaziga keyingi bosqichga yoʻl oldi.

“Real Sosyedad” (Ispaniya) – “Roma” (Italiya) 0:0

Dastlabki bahs – 0:2, umumiy natija 0:2

Shu tariqa, barcha chorak finalchilar aniqlandi:

“Manchester Yunayted” (Angliya)

“Yuventus” (Italiya)

“Feyenoord” (Niderlandiya)

“Sevilya” (Ispaniya)

“Sporting” (Portugaliya)

“Roma” (Italiya)

“Bayer” (Germaniya)

“Yunion” (Belgiya)

• Futbol
• Yevropa Ligasi