Kecha, 9-mart oqshomida Yevropa Ligasi 1/8 final dastlabki uchrashuvlari doirasida grand jamoalar oʻz oʻyinlarini oʻtkazishdi.

Jumladan “Arsenal” Lissabonda “Sporting” mehmoni boʻldi. Darvozalarga 4 ta gol kiritilgan bahsda jamoalar durang natija qayd etishdi.

“Sporting” – “Arsenal” 2:2

Gollar: 0:1 – 22ʼ Saliba, 1:1 – 34ʼ Inasiu, 2:1 – 55ʼ Paulinyu, 2:2 – 62ʼ, avtogol Morita.

Shuningdek, “Roma” oʻz uyida “Real Sosyedad”ni qabul qilib, ispan jamoasi ustidan 2:0 hisobidagi ishonchli gʻalabaga erishdi.

“Roma” (Italiya) – “Real Sosyedad” (Ispaniya) 2:0

Gollar: 1:0 – 13ʼ ash-Shaaravi, 2:0 – 87ʼ Kumbula.

Oʻz navbatida, “Manchester Yunayted” “Old Trafford”da“ Betis”ni qabul qildi. Uchrashuvning birinchi boʻlimi 1:1 hisobida yakunlandi.

Ikkinchi taymda esa mezbonlar raqib darvozasini yana 3 bor ishgʻol etishdi va Ten Xag shogirdlari 4:1 hisobidagi yirik gʻalabani qayd etishdi.

“Manchester Yunayted” (Angliya) – “Betis” (Ispaniya) 4:1

Gollar: 1:0 – 6ʼ Reshford, 1:1 – 32ʼ Peres, 2:1 – 52ʼ Antoni, 3:1 – 58ʼ Brunu Fernandesh, 4:1 – 82ʼ Vegorst.

Shuningdek, Anxel di Mariyaning yagona goli, “Yuventus”ga “Frayburg” ustidan gʻalaba keltirgan boʻlsa, “Sevilya” “Ramon Sanches Pisxuan”da “Fenerbahche”ni magʻlub etdi.

“Yuventus” (Italiya) – “Frayburg” (Germaniya) 1:0

Gol: 1:0 – 53ʼ Di Mariya.

“Sevilya” (Ispaniya) – “Fenerbahche” (Turkiya) 2:0

Gollar: 1:0 – 56ʼ Jordan, 2:0 – 85ʼ Lamela.

• Futbol
• Yevropa Ligasi