“Hududgaz Toshkent” GTF komplayens nazorat tuzilmalari, “Yuqorichirchiqtumangaz” GTB, O‘zenergoinspeksiya va prokuratura xodimlari ishtirokida Toshkent viloyatining Yuqori Chirchiq tumanida tabiiy gazdan noqonuniy foydalanish holatlarini aniqlash bo‘yicha nazorat tadbirlari o‘tkazilgan.

Tadbir davomida, tumanning “Farovon” MFYda joylashgan xonadonlarning birida 70 sotixlik hududda 2 ta issiqxona (50 sotix limon, 20 sotix qulupnay) borligi ma’lum bo‘lgan. Xonadondagi gaz jihozlari o‘rganilganda 2 dona gazda ishlovchi isitish apparati (OAGV), 2 dona (2 va 4 yondirgichli) gaz plitasidan hech qanday loyiha hujjatlarisiz foydalanib kelinayotgani aniqlangan.

Bu haqda Energetika vazirligi axborot xizmati xabar berdi.

Shuningdek, xonadondagi elektron gaz hisoblash uskunasi tekshirilganda mazkur hisoblagich ro‘yxatdan o‘tkazilmagani va ta’minot korxonasi bilan tegishli shartnoma tuzilmagani ma’lum bo‘lgan.

“Holat yuzasidan dalolatnoma tuzilib, sarflangan tabiiy gaz hajmi qonunchilikda belgilangan tartibda qayta hisob-kitob qilindi. Iste’molchi tomonidan 649 million so‘mlik zarar yetkazilgani ma’lum bo‘ldi”, – deyiladi xabarda.

• Gaz
• Qoidabuzarlik
• Yuqori Chirchiq