Ҳиндистон Бош вазири Нарендра Моди Aфрика Иттифоқини G20'га доимий аъзо сифатида қабул қилингани билан табриклади.
"Ҳиндистон Aфрика Иттифоқини G20'нинг доимий аъзосига айлантиришни таклиф қилмоқда ва ишончим комилки, барча аъзолар бу таклифга рози бўлишади. Барчангизнинг қўллаб-қувватлашингиз билан Aфрика Иттифоқини G20'га қўшилишга таклиф қиламан", - деди Моди G20 саммитининг биринчи сессиясидаги ўз чиқишида.
Модининг сўзларидан сўнг Ҳиндистон Ташқи ишлар вазири Субраманиан Жаишанкар Комор ороллари президенти ва Aфрика иттифоқи раиси Aзали Aссуманининг олдига борди ва уни G20 аъзолари учрашадиган столга кузатиб қўйди ва унинг олдига Aфрика Иттифоқи белгиси ва байроғини қўйди. Бу фақат ташкилотга тўлақонли аъзолар учун қилинади.
Жорий йилнинг июнь ойида Ҳиндистон бош вазири Нарендра Моди G20 етакчиларига хат ёзиб, Aфрика Иттифоқига гуруҳнинг тўлиқ аъзолигини беришни таклиф қилган. Ўз навбатида, Россия президенти Владимир Путин Россия Федерацияси Aфрика Иттифоқининг етакчи халқаро уюшмалар билан боғланишини қўллаб-қувватлашини, Aфрикага G20 аъзолигини бериш ташаббусини биринчилардан бўлиб қўллаб-қувватлашини, Москва бу қарор қабул қилинишини кутаётганини айтди. Кеча Нью-Деҳлида ўтказилган G20 саммитида кўпгина бошқа давлатлар ва уюшмалар, жумладан, EИ ҳам ушбу қарорни қўллаб-қувватлади.
Катта йигирматаликда Aфрика Иттифоқи - Aфрика қитъасининг 55 та давлатини бирлаштирган ташкилот - ташкилотда EИ билан бир хил мақомга ега бўлади.
Ҳиндистон 2022 йил 1 декабрдан бошлаб G20'га раислик қилади. Гуруҳ етакчилари саммити 9-10 сентабрь кунлари Нью-Деҳлида бўлиб ўтади. Унга Катта Йигирмалик давлатлари ҳамда яна тўққизта давлат - Бангладеш, Миср, Испания, Маврикий, Нигерия, Нидерландия, Бирлашган Aраб Aмирликлари, Уммон ва Сингапур раҳбарлари таклиф этилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!