BМW автомобил кузовини бўяшнинг тубдан янги усулини ишлаб чиқишда олдинга катта қадам қўйганини эълон қилди, бу эса рангни ўзгартириш имконини беради. Гап “электрон сиёҳ” деб аталадиган тизим ҳақида кетмоқда. Янги технология илк бор “BMW iX Flow” концепциясида 2022 йил январида намойиш этилган.

“CЕS премьерасидан бери биз ушбу технологияни янада такомиллаштиришни амалга оширдик. Илгари, ранг нақшлари орасидаги ўзгаришлар фақат аста-секин содир бўлар эди. Бошқарув электроникаси энди бир зумда конвертация қилиш учун созланган, бу эса янада ажойиб визуал тажрибага олиб келади”, – деди “BMW iX Flow” лойиҳаси менежери Стелла Кларк.

Бундан ташқари, Баварияликлар “BMW iX Flow” ўз рангини фикр кучи билан қандай ўзгартириши мумкинлигини кўрсатди: Мюнхендаги “Brainboost” стартапи мия фаолиятини қайд эта оладиган ва уни машинага “узатадиган” технологияни яратди. Бу ўз навбатида ҳайдовчининг фикри ёки кайфиятига қараб кузов рангини ўзгартиради.

“BMW iX Flow’даги янги тизим ранг нақшлари мия фаолиятига жавоб беради ҳамда фаоллик даражасини акс эттиради. Мия дам олаётганда, iX Flow’даги ўзгаришлар ҳам тинчроқ ва ритмик бўлади”, – дея тушунтирди “Brainboost” бош директори Филипп Хайлер.

У қандай ишлайди?

“BMW iX Flow” корпуси махсус плёнка билан қопланган, унда миллионлаб рангли капсулалар мавжуд. Электр сигналлари билан рағбатлантирилганда, салбий зарядланган оқ ёки мусбат зарядланган қора пигментлар сиртда тўпланади ва шу билан ташқи рангни ўзгартиради. 

Қайд этиш мумкин, электрон китоблардаги “сиёҳ” худди шу принцип асосида ишлайди.
 

• BMW
• Электромобил
• Elektronika
• Miya faoliyati
• робот