“Cartier” конгломерати “Beautés du monde” юқори заргарлик буюмлари коллексияцини тақдим этди.

Компания жорий йилнинг сентябрь ойига режалаштирилган Париж кутюрье ҳафталиги бошланишини кутмасдан, Мадридда “Beautés du monde” деб номаланган янги ва юқори қийматли заргарлик буюмларини намойиш этди.

Француз заргарлик уйи ҳар жойда ва ҳар жабҳада гўзалликни қандай топишни билади. Нафақат уни топиш ва ҳайратга солиш, балки заргарлик буюмлари дизайнида талқин қилишда ҳам тенгсиз. Янги юқори заргарлик буюмлари коллекцияси “Beautés du monde” (“Дунё гўзаллари”) ака-ука Картьелар томонидан бошланган ушбу анъанани давом эттирмоқда.

“Beautés du monde” коллекцияси техник жиҳатдан ҳам қизиқ. Бир вақтнинг ўзида 1950 йилларда заргарлик буюмларида кенг қўлланилган титроқ созлаш техникасидан фойдаланади.

Ушбу коллекцияга тегишли юқори заргарлик буюмларининг биринчи тўпламидан 100 га яқин янги буюмлар Мадридда бир вақтлар Британия элчихонаси жойлашган вилла паркида намойиш этилди.

Қайд этиш мумкин, “Cartier”заргарлик буюмлари, чарм буюмлар ва соатларни лойиҳалаш, ишлаб чиқариш, тарқатиш ва сотиш билан шуғулланувчи ҳашаматли француз товарлари конгломерати бўлиб, 1847 йилда Парижда Луи-Франсуа Картье томонидан асос солинган. Компания 1964 йилгача оилавий назорат остида бўлган ва бош қароргоҳи Париж шаҳрида жойлашган. “Cartier” компанияси 125 мамлакатда 200 дан ортиқ дўконларни бошқаради ва Лондон, Ню-Йорк ва Парижда учта катта анъанавий офисига эга.

Ҳозирда компаниянинг йиллик даромади 6,1 миллиард долларни ташкил этади.

• Galereya
• Madrid
• Parij
• Zargarlik buyumlari