SpaceX ва Tesla асосчиси Илон Маскнинг ўғли Хавер Александр Маск жинсини ўзгартириш ва фамилиясидан воз кечиш учун судга мурожаат қилди. Бу ҳақда “Daily Mail” хабар бермоқда.

“Мен энди у билан яшамайман ва биологик отам билан ҳеч қандай алоқада бўлишни хоҳламайман”, дейди 18 ёшли Хавер Маск. Йигит ҳужжатларни Калифорниянинг Санта-Моника шаҳри судига топширган. У ўз исмини Вивиан Женна Вилсон деб ўзгартиришга қарор қилган.

Маск ҳозирча бу вазиятга изоҳ бермади. Шунингдек, у судга ҳужжатларни топширишдан олдин ўғлининг режалари ҳақида билгани ёки йўқлиги номаълум.

Маълумот учун, Илон Маск талабалик даврида биринчи рафиқаси Жастин Уилсон билан танишган. Улар 2000 йилда турмуш қуришди ва 2 йилдан сўнг улар ўғил фарзанд кўрдилар. Бироқ, чақалоқ ўн кундан кейин тўсатдан вафот этган. Кейин Маскнинг рафиқаси эгизаклар – Хавер ва Гриффин, уч эгизак – Дамиан, Кай ва Саксонларни дунёга келтирди.

Маълумотларга кўра, миллиардернинг жами 7 нафар фарзанди бор.

• АҚШ
• Hayot tarzi
• Ilon_Mask
• Жаҳон
• Суд